v. regum genealogiae
uuoden genuit beldeg, genuit beornec, genuit gechbrond, genuit aluson, genuit inguec, genuit aedibrith, genuit ossa, genuit eobba, genuit ida. ida autem duodecim filios habuit quorum nomina sunt adda, aedldric, decdric, edric, deothere, osmer et unam reginam bearnoch; ealric. ealdric genuit aelfret – ipse est aedlfred fleasur – nam et ipse habuit filios septem quorum nomina sunt anfrid, osguald, osbiu, osgudu, oslapf, offa. osguid genuit alcfrid et aelfguin et echfird.
echfrid ipse est qui fecit bellum contra fratruelem suum, qui erat rex pictorum nomine birdei et ibi corruit cum omni robore exercitus sui et picti cum rege suo uictores extiterunt et numquam addiderunt saxones ambronum ut a pictis uectigal exigerunt. a tempore istius belli uocatur gueith lin garan.
osguid autem habuit duas uxores, quarum una uocabatur riemmelth filia royth filii rum et alter uocabatur eanfled filia eadguin filii alli.
de genealogia regum cantiae.
hengist genuit octha, genuit ossa, genuit eormoric, genuit ealdbert, genuit ealdbald, genuit ercunbert, genuit ecgberth.
de ortu regum eastanglorum.
uuoden genuit casser, genuit titinon, genuit trigil, genuit rodmunt, genuit rippan, genuit guillem guechan – ipse primus regnauit in brittannia super gentem eastanglorum – guecha genuit guffan, genuit tydil, genuit ecni, genuit adric, genuit aldul, genuit elric.
de genealogia merciorum.
uuoden genuit guedolgeat, genuit gueagon, genuit guithleg, genuit guerdmund, genuit offa, genuit ongen, genuit eamer, genuit pubba. ipse pubba habuit duodecim filios, quorum duo notitiores mihi sunt quam alii, id est penda et eua. <peada?> filius penda, filius pubba.
ecgfrid filius offa, filius duminfert, filius eandulf, filius ossulf, filius eua, filius pubba.
de regibus deurorum.
uuoden genuit beldeyg, <genuit> brond, genuit siggar, genuit sebald, genuit zegulf, genuit soemil – ipse primus separauit deur o birneich – soemil genuit sguerthing, genuit giulglis, genuit usfrean, genuit iffi, genuit ulli, <genuit> aedgum, osfird et eadfird.
duo filii edgum erant et cum ipso corruerunt in bello meicen, et de origine illius numquam iteratum est regnum, quia non euasit unus de genere illius de isto bello, sed interfecti omnes sunt cum illo ab exercitu catguollauni regis guendotae regionis.
osguid genuit ecgfird – ipse est ecgfrid ailguin – genuit oslach, genuit alhun, genuit adlsing, genuit echun, genuit oslaph.
ida genuit eadric, genuit ecgulf, genuit liodguald, genuit aetan – ipse est eata glinmaur – genuit eadbyrth et ecgbirth episcopum, qui fuit primus de natione eorum.
ida filius eobba tenuit regiones in sinistrali parte brittanniae, id est umbri maris, et regnauit annis duodecim, et unxit dinguayrdi guurth berneich. tunc dutigirn in illo tempore fortiter dimicabat contra gentem anglorum. tunc talhaern tataguen in poemate claruit et neirin, et taliessin, et bluchbard, et cian, qui uocatur guenith guaut, simul uno tempore in poemate britannico claruerunt. mailcunus magnus rex apud brittones regnabat, id est in regione guenedotae, quia atauus illius, id est cunedag, cum filiis suis, quorum numerus octo erat, uenerat prius de parte sinistrali, id est de regione quae uocatur manau guotodin, centum quadraginta sex annis antequam mailcun regnaret, et scottos cum ingentissima clade expulerunt ab istis regionibus et nusquam reuersi sunt iterum ad habitandum.
adda filius ida regnauit annis octo. aedlric filius adda regnauit quattuor annis. deoric filius ida regnauit septem annis. friodolguald regnauit sex annis. in cuius tempore regnum cantorum mittente gregorio baptismum suscepit. hussa regnauit annis septem: contra illum quattuor reges urbgen et riderchhen et guallanc et morcant dimicauerunt. deodric contra illum urbgen cum filiis dimicabat fortiter. in illo autem tempore aliquando hostes, nunc ciues uincebantur et ipse conclusit eos tribus diebus et noctibus in insula metcaud et dum erat in expeditione, iugulatus est morcanto destinante pro inuidia, quia in ipso prae omnibus regibus uirtus maxima erat instauratione belli.
eadfered flesaurs regnauit duodecim annis in berneich et alios duodecim in deur, uiginti quattuor annis inter duo regna regnauit et dedit uxori suae dinguoaroy, quae uocatur bebbab, et de nomine suae accepit nomen, id est bebbanburth.
<eoguin> filius alli regnauit annis decem et septem et ipse occupauit elmet et expulit certic regem illius regionis. eanfled filia illius duodecimo die post pentecosten baptismum accepit cum uniuersis hominibus suis de uiris et mulieribus cum ea. eadgum uero in sequenti pascha baptismum suscepit et duodecim millia hominum baptizati sunt cum eo. si quis scire uoluerit, quis eos baptizauit, rum map urbgen baptizauit eos et per quadraginta dies non cessauit baptizare omne genus ambronum et praedicationem illius multi crediderunt christo.
oswald filius eadfered regnauit nouem annis: ipse est oswald lamnguin. ipse occidit catgublaun regem guenedotae regionis in bello catscaul cum magna clade exercitus sui.
osguid filius eadlfrid regnauit uiginti octo annis et sex mensibus. dum ipse regnabat, uenit mortalitas hominum catgualart regnante apud brittones post patrem suum et in ea periit. et ipse occidit pantha in campo gai et nunc facta est strages gai campi et reges brittonum interfecti sunt, qui exierant cum rege pantha in expeditione usque ad urbem, quae uocatur iudeu. tunc reddidit osguid omnes diuitias, quae erant cum eo in urbe, usque in manu pendae et penda distribuit ea regibus brittonum, id est atbret iudeu. solus autem catgabail rex guenedotae regionis cum exercitu suo euasit de nocte consurgens, quapropter uocatus est catgabail catguommed.
ecgfrid filius osbiu regnauit nouem annis. in tempore illius sanctus cudbert episcopus obiit in insula medcaut. ipse est qui fecit bellum contra pictos et corruit ibi. penda filius pybba regnauit decem annis. ipse primus separauit regnum merciorum a regno nordorum et onnan regem easteranglorum et sanctum oswaldum regem nordorum occidit per dolum. ipse fecit bellum cocboy, in quo cecidit eoua filius pippa frater eius rex merciorum et oswald rex nordorum et ipse uictor fuit per diabolicum artem. non erat baptizatus et numquam deo credidit.